د کابل ښاروالۍ د کار، ساتنې او مراقبت ریاست له خوا د شاه دو شمشمېره جومات مخې ته د پلو لارو د جوړولو چارې پیل شوې. د دې پروژې په لومړي پړاو کې به د (۸۰) مترو په اوږدوالي د یادو پلو لارو ترڅنګ د کابل سیند د استنادي دېوال سنګ کاري ترسره شي او د بنسټیزو برخو د جوړولو چارو تر بشپړېدو وروسته د (۱۸۰) مترو په اوږدوالي او (۴.۳) مترو په سور د انترلاک تيږو په کارولو سره پلې لارې جوړې شي. د یادونې وړ ده چې، د (۱۸۰) مترو په اوږدوالي د سړک غاړې جدولونو د نصبولو چارې هم د یادې پروژې برخه دي