د اوولسمې ناحیې د ۲۹م ګذر اړوند په ذاکرین ښارګوټي کې د ۵۲۳ مترو په اوږدوالي او د ۶.۵ مترو په سور سره د فرعي سړک د جوړولو چارې روانې دي او ټاکل شوې ده تر راتلونکو پنځلسو ورځو پورې ګټې اخیستنې ته وسپارل شي. د دې پروژې چارې تر اوسه ۹۰ سلنه کاري پرمختګ لري چې، د لښتیو او پلچکونو په ګډون د ښاریانو د ستونزو د حل او د کاري بوختیاوو رامنځته کولو په موخه د کابل ښاروالۍ له لوري د ملګرو ملتونو د پروژوي خدمتونو د دفتر په همکارۍ پلې کېږي. د دې سړک په جوړېدو سره به ترافیکي بهیر ووېشل شي او د سیمې اوسېدونکي یو شمېر ښاري او ټولنیزو آسانتیاوو ته لاس رسی ومومي.