ښاریانو ته د تګ راتګ په برخه کې د آسانتیاوو رامنځته کولو په موخه، د کارته نو له درېیم سړک څخه د کارته نو تپې تر پورتنۍ برخې پورې د (۱۱۰۰) او (۱۵۰۰) مترو په اوږدوالي د سړک په دواړو غاړو کې د پلیو لارو د جوړولو چارې روانې دي. په دې پروژه کې د پیلو لارو دجوړولو سربېره، د استنادي دیوالونو، پلچکونو، لښتیو او د ګلدانونو جوړول هم شامل دي چې، د سیمې ښکلا به نوره هم زیاته کړي. د یادونې وړ ده چې، د سړک جوړولو په دې پروژه کې د سړک دواړو خواوو ته فرعي لیکې ډیزاین شوې چې، یوه لیکه یې څه موده وړاندې قیر او د ترافیکو پرمخ پرانیستل شوې او دویمه لیکه به یې هم ډیر ژر قیر کولو ته چمتو شي