د دولسمې ناحیې اړوند د محبس له څلورلارې څخه د سلیم کاروان تر سړک پورې د (۲۰۰۹) مترو په اوږدوالي، (۲۴، ۳۰ او ۴۰) مترو په سور سره د سړک جوړولو چارې په چټکۍ او لوړ کیفیت سره روانې دي او هڅه کیږي چې هر څه ژر قیرکولو ته چمتو شي. د سړک جوړولوپه دغه پروژه کې د لښتیو، پلو لارو، ګلدانونو او د بایسکل چلولو لیکو جوړول، په سړک د کرښو اچول، د ترافیکي نښو نصبول او د یوه معیاري سړک نور جزئیات شامل دي چې، د یوه کاري کال په موده کې به جوړ شي. د دې پروژې د کار له کیفیت څخه د کابل ښاروالۍ د برنامو او پروژو د تنظیم راست انجنیران په بېلابېلو پړاونو کې فني او تخنیکي څارنې ترسره کوي