د کابل ښاروالۍ له خوا د ملګرو ملتونو د پروژوي خدمتونو د دفتر په مرسته د اتلسمې ناحیې د نهم ګذر اړوند د ده سبز په پکتیا مېنه سیمه کې د فرعي سړک کانکرېټ چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دا سړک په ټولیزه توګه ۶۰۰ متره اوږدوالی او ۶ متره سور لري چې، د لښتیو په ګډون یې تر اوسه ۴۵ سلنه چارې مخته تللې دي او ټاکل شوې ده تر راتلونکې یوې میاشتې پورې بشپړې شي. په دې پروژه کې یو شمېر هېوادوالو ته د کار زمینه هم برابره شوې ده او په پلي کېدو سره به د سیمې د اوسېدونکو ترانسپورتي او چاپېریالي ستونزې هوارې شي