د کابل ښاروالۍ له خوا او د ملګو ملتونو د پروژوي خدمتونو د دفتر په مرسته، د څلورمې ناحیې د ۲۰م ګذر اړوند د تنور جوړولو په سیمه کې د یوه فرعي سړک د کانکریټ چارې روانې دي. دغه سړک چې، (۵۰۰) متره اوږدوالی او (۶.۵) متره سور لري، د لښتیو په ګډون یې تر اوسه (۶۰) سلنه چارې مخته تللې او د راتلونکو دوه اونیو په موده کې په اساسي توګه جوړ شي. تر دې وړاندې د یادې سیمې اوسېدونکي د سړک د خرابوالي له امله له ګڼو ستونزو سره لاس او ګریوان ؤ چې، د دې پروژې به پلي کېدو سره به یې ستونزې هوارې شي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده.