د ګلباغ سړک د دویمې برخې د جوړولو او پراختیا په موخه، د خنډونو پاکولو، کیندنو، خاورې لېږدولو او د لښتیو جوړولو چارې روانې دي. دغه سړک، چې په شپږمه او اوومه ناحیو کې له فیصل ښارګوټي څخه تر ګلباغ پله پورې (۲۳۹۶) متره اوږدوالی او (۳۳) متره سور لري، د یو معیاري سړک د ټولو جزئیاتو په ګډون به د نږدې یوه کال په موده کې په معیاري ډول جوړ شي. د ګلباغ سړک د اقتصادي دهلیز په توګه، چې د کابل لویدیځ زون له سویل سره نښلوي، د ټرافیکي بسټونو د پراختیا په برخه کې هم ځانګړی اهمیت لري. د یادونې وړ ده چې، د دارالامان له ماڼۍ څخه تر فیصل ښارګوټي پورې د ګلباغ سړک د جوړولو چارې هم روانې دي او د روان کال په اوږدو کې به جوړ شي