د ودانیزو توکو تر ازمایښت او د بنسټیزو چارو تر بشپړېدو وروسته، د کابل- لوګر سړک د لومړۍ برخې قیر چارې په لوړ کیفیت او معیاري توګه روانې دي. اړوند مسئولین هڅه کوي ترڅو د دې سړک قیر ټولې چارې د روان کال په بهیر کې بشپړې او د ترافیکو پرمخ پرانیستل شي. تر اوسه د یاد سړک یوه اصلي لیکه د (۱.۵) کیلو مترو په اوږدوالي او یوه فرعي لیکه د (۲) کیلو مترو په اوږدوالي قیر شوې ده او ورته مهال د یادې سړک د پاتې برخې بنسټیزو برخو د جوړلو چارې روانې دي ترڅو هغه هم قیر کولو ته چمتو شي. د کابل- لوګر سړک د لومړۍ برخې د جوړولو په پروژه کې چې له نجات څلي څخه تر چرخ آب پورې (۷) کیلو متره اوږدوالی او (۶۰) متره سور لري، د اوبو یو لوی کانال، یو نښلوونکی کانال، لښتي، پلې لارې، ګلدانونه، په سړک د کرښو اچول د څراغونو نصبول او د یوه معیاري سړک نورې برخې هم شاملې دي