د کابل ښاروالۍ د کار، ساتنې او مراقبت ریاست له خوا د بادام باغ او کارته مامورین ترمنځ په نښلوونکي سړک د کرښو اچولو چارې چې، نښلوونکي، منقطع، د پلیو لارو دهلیزونه او ترافیکي نښې پکې شاملې دي، بشپړې شوې. یاد سړک دوه برخې لري چې، لومړۍ برخه یې له بادام باغ څخه د پولي تخنیک غره تر لمنې پورې (۹۰۰) متره او د پولي تخنیک غره له لمنې څخه کانتیننتال هوټل ته څېرمه تر کارته مامورین پورې (۸۰۰) متره اوږدوالی لري. دغه سړک چې څلورمه، پنځمه او اوولسمه ناحیه یو له بل سره نښلوي، د ګڼه ګوڼې د کمښت او د ترافیکي بهیر د ویش په برخه کې مهم رول لري