د کابل ښاروالۍ له خوا د ملګرو ملتونو د پروژوي خدمتونو د دفتر په مرسته د نهمې ناحیې د ۴م ب ګذر اړوند په تره خیلو سیمه کې د یوه فرعي سړک او دوو کوڅو کانکرېټ چارې روانې دي. دا پروژې ۷۳۳ متره اوږدوالی او له ۳.۵ څخه تر ۵ مترو پورې سور لري چې، د لښتیو په ګډون یې تر اوسه ۵۰ سلنه چارې مخته تللې دي او ټاکل شوې ده تر راتلونکې یوې میاشتې پورې په اساسي توګه بشپړې شي. مخکې د سړک د خاموالي له امله د سیمې اوسېدونکي له ګڼو ستونزه سره مخ وو چې، په جوړېدو سره به یې د دوی ستونزې هوارې شي. په دې پروژه کې یو شمېر هېوادوالو ته د کار زمینه هم برابره شوې ده.