په کابل ښار کې د زرغونو سیمو د پراختیا په موخه، د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دولسمې ناحیې اړوند د احمد شاه بابا مېنې په نهم بلاک کې د یوه تفریحي پارک د جوړولو چارې پیل شوې. ټاکل شوې ده دغه پارک په (۸۵۵۵) متر مربع ځمکه کې د احاطې، پلیو لارو، د اوبو یوې څاه، د اوبو د زیرمې، چمن کرلو، نیالګیو کېنولو او د کثافت دانیو نصبولو په ګډون د برنامو او پروژو ریاست تر څارنې لاندې تر راتلونکو (۳) میاشتو پورې جوړ شي