د کابل ښاروالۍ له لوري د ملګرو ملتونو د پروژوي خدمتونو د دفتر په مرسته چې، څه موده وړاندې د پنځمې ناحیې د ۱۹م ګذر اړوند په قلعه واحد سیمه کې د کوڅو کانکرېټ چارې پیل شوې وې؛ تر دې دمه ۸۰ سلنه مخته تللې دي. دا پروژه په ټولیزه توګه ۹۷۷ متره اوږدوالی او له ۲.۵ څخه تر ۵.۵ مترو پورې سور لري چې، چارې به یې د لښتیو په ګډون تر راتلونکو شلو ورځو پورې بشپړې شي. د دې کوڅو په جوړېدو سره به د سیمې د اوسېدونکو چاپېریالي او ترانسپورتي ستونزې هوارې او یو شمېر ښاري آسانتیاوو ته به لاس رسی ومومي