د یو ویشتمې ناحیې اړوند د کابل جلال آباد تر سړک پورې د بګرامیو- لته بند سړک د خاورینې برخې د جوړولو چارې د پام وړ کاري پرمختګ لري او هڅه کېږي څو هر څه ژر قیر کولو ته چمتو شي. دا پرمختیايي پروژه له سویل څخه د ختیځ په لور د لېږد را لېږد او د ترافیکي بهیر د ویش په برخه کې ځانګړی ارزښت لري. د کابل ښاروالۍ د برنامو او پروژو د تنظیم ریاست د معلوماتو له مخې؛ دا سړک ۳۳۰۰ متره اوږدوالی او ۶۰ متره سور لري چې، په اوږدو کې یې د یوه لوی کانال، څلورو پلچکونو او د څه باندې ۷۰۰۰ متر مکعب په اندازه استنادي دېوالونو جوړول هم په پام کې نیول شوي دي. د دې پروژې په بشپړېدو سره به هېوادوالو ته د تګ راتګ په برخه کې ګڼې آسانتیاوې رامنځته او د یو ویشتمې ناحیې اقتصادي ودې ته به زمینه برابره شي