د پنځلسمې ناحیې اړوند د خواجه بغرا له ګولایۍ څخه د قصبې تر سړک ( میراز عبدالقادر بیدل تر سړک) پورې د نوي نښلوونکي سړک د جوړولو چارې ښه کاري پرمختګ لري او ټاکل شوې ده ډېر ژر قیر کولو ته چمتو شي. دغه سړک چې ۶۷۵ متره اوږدوالی او ۳۰ متره سور لري، د ۲۰ مترو په اوږدوالي او ۱.۳ مترو په سور سره یوه پلچک او د یوه معیاري سړک د نورو جزئیاتو په ګډون به یې د جوړولو چارې د روان کال په بهیر کې په اساسي توګه بشپړې شي. د کابل ښاروالۍ د برنامو او پروژو د تنظیم ریاست انجنیران د یادې پروژې د کیفیت د تضمین په موخه، تخنیکي او فني څارنې ترسره کوي