د لسمې ناحیې اړوند د شېرپور سړک د بنسټیزو برخو د جوړولو چارې د بشپړېدو په حال کې دي او په نږدې راتلونکي کې به قیرکولو ته چمتو شي. دغه سړک چې، (۶۴۶) متره اوږدوالی او (۲۰) متره سور لري، د شېرپور له دویم سړک څخه د شهرنو د شهید تر څلور لارې پورې ډیزاین شوی، چې په ورڅېرمه سړکونو کې د ترافیکي ستونزو د حل او د ګڼې ګوڼې د کمښت په برخه کې ځانګړی اهمیت لري. کابل ښاروالۍ د کابل ښار د سړکونو شبکې د اصلاحي پلان له مخې د شېرپور سړک د پراختیا او جوړولو په موخه اقدام کړی دی