د شپږمې او اوومې ناحیې اړوند د ګل باغ سړک د لومړي فاز د جوړولو او پراختیا چارې روانې دي او ټاکل شوې ده ډېر ژر یې د نږدې دوه کیلو متره برخې قیر چارې ترسره شي. دغه سړک چې، (۳،۱۷۶) متره اوږدوالی او (۳۳) متره سور لري، د دارالامان له ماڼۍ څخه تر فیصل ښارګوټي پورې غځېدلی، چې دلښتیو، پلولارو، ګلدانونو، او د معیاري سړک د نورو برخو جوړول هم پکې شامل دي. اړوند مسئولین هڅه کوي ترڅو یاد سړک په روان کال کې په لوړ کیفیت او له تخنیکي معیارونو سره برابر جوړ او د ترافیکو پر مخ پرانیستل شي. د یادونې وړ ده چې، له فیصل ښارګوټي څخه تر ګلباغ پله پورې د دې سړک د درېیمې او څلورمې برخې تدارکاتي پړاونه تر لاس لاندې دي ترڅو یاد سړک د کابل- لوګر تر سړک پورې په اساسي توګه جوړ شي. د ګل باغ سړک چې د کابل ښار په سویل لوېدیځ زون کې له اقتصادي دهلیزونو څخه شمېرل کېږي، جوړول یې د کابل ښاروالۍ د پرمختیايي پلانونو په سر کې ځای لري