د کابل ښاروالۍ لخوا د ملګرو ملتونو د پروژوي خدمتونو د دفتر په مرسته، د شپږمې ناحیې د لسم ګذر اړوند د قلعه وزیر د برېښنا برج په سیمه کې په ټولیزه توګه د(۸۳۲) مترو په اوږدوالي او له (۳،۵) څخه تر (۴،۵) مترو په سور سره د (۸) کوڅو د جوړولو چارې روانې دي. د کابل ښاروالۍ د برنامو او پروژو دتنظیم ریاست د معلوماتو له مخې، پدې پروژه کې د پلیولارو جوړول هم شامل دي، چې په دوو میاشتو کې به بشپړه او ورسره جوخت به د سیمې د اوسیدونکو پروړاندې شته ستونزې هوارې شي. د یادونې وړ ده چې، په دې پروژه کې یو شمیر هیوادوالو ته د کار زمینه هم برابره شوې ده