د کابل ښاروالۍ له لوري د ملګرو ملتونو د پروژوي خدمتونو د دفتر په مرسته، د لسمې ناحیې د ۲۴م ګذر اړوند د بي بي رقیه جومات په سیمه کې د یوه فرعي سړک د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دغه سړک چې (۶۹۲) متره اوږدوالی او (۶.۵) متره سور لري، د لښتیو په ګډون به تر راتلونکو دوو میاشتو پورې په اساسي توګه جوړ او ورسره جوخت به د سیمې د اوسېدونکو ګڼې چاپېریالي او ترانسپورتي ستونزې هوارې شي. د یادونې وړ ده چې، په دې پروژه کې یو شمېر هېوادوالو ته کاري بوختیاوې هم رامنځته شوې دي