د خیرخانې کوټل سړک د دویمې برخې د جوړولو چارې په چټکۍ او د تخنیکي معیارونو په پام کې نیولو سره پرمخ روانې دي او هڅه کیږي ترڅو دغه پروژه ژر تر ژره بشپړه او ګټې اخیستنې ته وسپارل شي. د خیر خانې کوټل سړک دویمه برخه د کوټل له پورتنۍ برخې څخه تر بوستان سړک پورې د(۲۵۲۰) مترو په اوږدوالي او (۶۰) مترو په سور سره په دوو لیکو کې ډیزاین شوی دی. په دې وروستیو کې، د دې سړک د یوې لیکې قیر چارې بشپړې او د ترافیکو پرمخ پرانیستل شوې ده. په ورته وخت کې د سړک د پاتې برخو د جوړولو چارې روانې دي څو هغه هم قیر کولو ته چمتو شي. د خیرخانې کوتل سړک چې، یوه مهمه ترانزیتي لاره بلل کېږي د پلیو لارو، لښتیو، ګلدانونو او د یوه معیاري سړک د نورو جزئیاتو په ګډون د جوړېدو په حال کې دی