د کابل ښاروالۍ له خوا د ملګرو ملتونو د پروژوي خدمتونو د دفتر په مرسته د دوه ویشتمې ناحیې په ۱۶م ګذر د سیدجمال افغان ښارګوټي اړوند په وحدت مېنه سیمه کې د یوه فرعي سړک د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دا پروژه ۲۱۰ متره اوږدوالی او ۱۲.۳ متره سور لري چې، د لښتیو، ګلدانونو او پنځو پلکچکونو په ګډون به یې چارې تر راتلونکې یوې میاشتې پورې په اساسي توګه بشپړې شي. د دې پروژې له لارې یو شمېر هېوادوالو ته د کار زمینه هم برابره شوې ده. د دې سړک په جوړېدو سره به د سیمې د اوسېدونکو ترانسپورتي او چاپېریالي ستونزې هوارې شي