په شپږمه او اوومه ناحیو کې له فیصل ښارګوټي څخه تر ګلباغ پله پورې د (۲۳۹۶) مترو په اوږدوالي او (۳۳) مترو سور سره د ګلباغ سړک د دویمې برخې د جوړولو چارې روانې دي او هڅه کیږي تر څو قیر کولو ته چمتو شي. د یادونې وړ ده چې له دارالامان ماڼۍ څخه تر فیصل ښارګوټي پورې د ګلباغ سړک د لومړۍ برخې د جوړولو چارې هم په چټکۍ سره روانې دي او ټاکل شوې ده د روان کال په بهیر کې جوړ او ګټې اخیستنې ته وسپارل شي د ګلباغ سړک د اقتصادي دهلیز په توګه، چې د کابل لویدیځ زون له سویل سره نښلوي، د ټرافیکي زیربناوو د پراختیا په برخه کې هم ځانګړی اهمیت لري. پاتې دې نه وي چې، کابل ښاروالۍ به د کابل-لوګر تر سړک پورې د دې مهمې لارې د درېیمې او څلورمې برخې د جوړولو چارې هم ډیر ژر پیل کړي