د افغانستان اسلامي جمهوریت او آغاخان بنسټ ترمنځ د مرستو هوکړه لیک له مخې، چې د کابل ښار تاریخي سیمي رغوي، د روان کال د کب میاشتي په ۵مه نیټه کابل ښاروال پوهنیار احمد ذکي سرفراز، په داسی حال کی چی د کابل ښاروالی د ترانسپورت معین پوهنیار شیخ احمد متین هم حضور درلود، د آغاخان بنسټ فرهنګي رییس ښاغلي اجمل میوندي سره د کابل ښاروالۍ د پرمختیایي پروژو پلي کولو او د دي ښار د تاریخي هویت ساتلو په اړه ولیدل. په دي لیدنه کې د لوګر ټانګ سړک جوړولو چې د لاهوري دروازي او بالاحصار له څنګ څخه تیریږي، د ماشین خاني سیمي د ودي او بیارغولو او همدارنګه د چهلستون بڼ د کار بشپړولو په اړه خبري اتري ترسره شوي. په پاي کې کابل ښاروال وویل: مونږ د پروژو او برنامو په پلي کولو کې د دي ښار تاریخي ارزښتونه په پام کې نیسو او د کابل ښار د تاریخي آبداتو په بیارغونه کې د لا ډیرو همغږیو غوښتونکي یو.