د کابل ښاروالۍ له خوا د ملګرو ملتونو د پروژوي خدمتونو د دفتر په مرسته، د دوولسمې ناحیې په شلم ګذر کې په ټولیزه توګه د (۱۲۰۰) مترو په اوږدوالي او (۱۶) مترو په سور سره د پنځو فرعي سړکونو د جوړولو چارې روانې دي. دغه پروژه چې، د لښتیو، ګلدانونو او د پلیو لارو جوړول هم پکې شامل دي، تر راتلونکو دریو میاشتو پورې به بشپړه شي. د متوازنې پراختیا په پام کې نیولو سره، له ښاري آسانتیاوو څخه په محرومو سیمو کې د پروژو پلي کول د کابل ښاروالۍ لومړیتوب دی او په بېلابېلو ناحیو کې به ورته نورې پروژې هم طرحه او پلې شي