د لسمې ناحیې اړوند د شیر پور سړک لومړۍ طبقه قیرچارې د بنسټیزو برخو تر بشپړېدو وروسته، ترسره شوې او ټاکل شوې ده ډېر ژر یې دویمه طبقه قیر چارې هم ترسره شي. دغه سړک چې، د شیرپور له دویم سړک څخه د شهرنو تر شهید څلورلارې پورې (۶۴۶) متره اوږدوالی او (۲۰) متره سور لري، د ښار د مرکزي برخې د ترافیکي ګڼه ګوڼې په کمښت کې مهم رول لري. د دې سړک د جوړولو او پراختیا چارې د کابل ښار د سړکونو شبکې د اصلاحي پلان له مخې د کابل ښاروالۍ لپاره لومړیتوب لري چې، اوس یې دجوړولو او پراختیا عملي چارې روانې دي.د یادونې وړ ده چې، د یاد سړک قیر چارې په لابراتوار کې د اړتیا وړ توکو تر ازمایښت وروسته د کابل ښاروالۍ د برنامو او پروژو د تنظیم ریاست تر څارنې لاندې ترسره کېږي