د اتمې ناحیې اړوند د کارته نو له درېیم سړک څخه د تپې تر پورتنۍ برخې پورې د کارته نو (سید نورمحمد شاه مېنې) د عمومي سړک د فرعي لیکو دویمه طبقه قیرچارې د بشپړېدو په حال کې دي او ډېر ژر به د ترافیکو پرمخ پرانیستل شي. د کابل ښاروالۍ د برنامو او پروژو د تنظیم ریاست د معلوماتو له مخې، د دې سړک د ښي لوري فرعي لیکې قیر چارې چې، (۱۱۰۰ ) متره اوږدوالی لري بشپړې شوې دي او د کین لوري فرعي لیکې چې ( ۱۵۰۰) متره اوږدوالی لري، د قیر چارې روانې دي. دغه فرعي لیکې چې، هره یوه یې (۱۱.۶) متره سور لري، د استنادي دیوالونو، پلچکونو، لښتيو، ګلدانونو او د پلیو لارو جوړول هم پکې شامل دي. د دې پروژې په بشپړېدو سره به له یوې خوا په ورڅېرمه سیمو کې ترافیکي ګڼه ګوڼه کمښت ومومي او بله خوا به ښاریانو ته د تګ راتګ په برخه کې آسانتیاوې رامنځته شي