د ۲۲مې ناحیې د ۲۴م ګذر اړوند د شیوکي په سهاک سیمه کې د یوه فرعي سړک د جوړولو چارې د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته پیل شوې. د کابل ښاروالۍ د برنامو او پروژو د تنظیم ریاست د معلوماتو له مخې، د سړک جوړولو په دې پروژه کې چې، (۱۱۵۵) متره اوږدوالی او له (۴) څخه تر (۶) مترو پورې سور لري، د لښتیو جوړول هم شامل دي. ټاکل شوې ده دغه پروژه په راتلونکو څلورو میاشتو کې په معیاري او اساسي ډول بشپړه شي. د یادونې وړ ده چې په دې پروژه کې یو شمیر هېواد والو ته د کار زمینه هم برابره شوې ده