د دویمې ناحیې اړوند د کابل ولایت د اداري ودانۍ له مخې څخه د ماشینخانې تر سیمې پورې د جوی شیر نوي نښلونکي سړک د جوړولو چارې په چټکۍ سره روانې دي . دغه سړک چې، (۷۸۳) متره اوږدوالی او (۳۲) متره سور لري، ټاکل شوې ده په روان کال کې یې د جوړولو چارې بشپړې او ګټې اخیستنې ته وسپارل شي. ورته مهال له جویشیر څخه تر پل آرتل پورې د (۸۲۰) مترو په اوږدوالي او (۴۵) مترو په سور سره د سړک جوړولو چارې هم په دوامداره توګه روانې دي. د دغو پروژو په بشپړېدو سره به د صدارت او ملکاصغر څلورلارو، قوای مرکز، ده افغانانو، زیر زمینۍ سړک او نورو ورڅېرمه سیمو ترافيکي ستونزې هوارې او د ښار د مرکزي سیمو اقتصادي ودې ته به زمینه برابره شي. د یادونې وړ ده چې، له فرهنګ څلورلارې څخه تر شاه دو شمشیره درېلارې پورې د آسمایي سړک د جوړولو او پراختیا پروژه په تدارکاتي پړاونو کې ده او ډېر ژر به یې عملي چارې پیل شي