د دیارلسمې ناحیې اړوند له امید سبز ښارګوټي څخه تر عرفاني سړک او پر دوام یې تر قلعه قاضي پورې د نښلوونکو سړکونو د جوړولو چارې روانې دي او هڅه کېږي چې، دا دوه سړکونه هرڅه ژر قیرکولو ته چمتو شي. د ډیزاین له مخې له امید سبز ښارګوټي څخه تر عرفاني سړک پورې نوی سړک (۳۸۳۴) متره اوږدوالی، (۴۵) متره سور او پر دوام یې نښلوونکی سړک (۱۱۴۶) متره اوږدوالی او (۲۰) متره سور لري. په دې پروژه کې د لښتيو، پلیو لارو، ګلدانونو جوړول، د څراغونو نصبول، په سړک د کرښو اچول او نور جزئیات هم شامل دي. د کابل ښاروالۍ د برنامو او پروژو د تنظیم ریاست انجنیران د دې پروژې له کاري پړاونو څخه په دوامداره توګه څارنې کوي څو د قرارداد له مخې په ټاکلي وخت او د تخنیکي معیارونو مطابق په اساسي توګه بشپړه شي