د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د شپږمې ناحیې اړوند د قلعه مسلم په سرآسیاب سیمه کې د فرعي سړک کانکریټ چارې روانې دي. د سړک جوړولو په دې پروژه کې چې، (۹۳۰) متره اوږدوالی او (۵) متره سور لري، د لښتیو جوړول هم شامل دي، چې تر اوسه (۶۰) سلنه پرمخ تللې او په راتلونکې یوه نیمه میاشت کې به په معیاري او اساسي ډول بشپړه شي. پخوا د دې سړک د خرابوالي له امله، د سیمې اوسېدونکي له ګڼو ستونزو سره مخ وو، چې د یاد سړک په جوړېدو سره به یې ستونزې حل شي. پاتې دې نه وي چې، په دې پروژه کې یو شمیر هېوادوالو ته د کار زمینه هم برابره شوې ده