د نهمې ناحیې اړوند په شش درک سیمه کې د شپږو فرعي سړکونو د بنسټيزو برخو د جوړولو چارې روانې دي او ټاکل شوې ده ډېر ژر قیر کولو ته چمتو شي. دغه سړکونه چې په ټولیزه توګه (۱۵۰۷) متره اوږدوالی او له (۱۳ ) څخه تر (۲۴) مترو پورې سور لري، د لښتیو، پلیو لارو، ګلدانونو، په سړک د کرښو اچولو، د څراغونو نصبولو او د یوه معیاري سړک د نورو برخو په ګډون د جوړېدو په حال کې دي. د دې پروژې په بشپړېدو سره به د سیمې د اوسېدونکو ترانسپورتي او چاپېریالي ستونزې هوارې شي.