د کابل ښاروالۍ د کار، ساتنې او مراقبت ریاست له خوا د خیرخانې کوتل او قرغې سړک ترمنځ د نوي نښلوونکي سړک د پاتې برخو قیر چارې په چټکۍ او لوړ کیفیت روانې دي او ټاکل شوې ده په نږدې ورځو کې بشپړې او یاد سړک د ترافیکو پرمخ پرانیستل شي. دغه سړک چې (۷۶۴۵) متره اوږدوالی او (۳۰) متره سور لري، تر اوسه یې د جوړولو چارې (۹۵) سلنه مخته تللې دي. د یاد سړک په جوړېدو سره به له یوې خوا د کابل د شمال او لوېدیځ سیمو ترافیکي بهیر ووېشل شي او بله خوا به دسرای شمالي او د ښار په مرکزي سیمو کې ترافیکي ګڼه ګوڼه کمښت ومومي