د کابل ښاروالۍ له لوري د لسمې ناحیې اړوند د شیر پور سړک لومړۍ طبقه قیر چارې بشپړې شوې دي او دا سړک د ترافیکو پرمخ پرانیستل شوی چې، ورسره جوخت په شهرنو او ورڅېرمه سیمو کې ترافیکي بهیر ویشل شوی او د قلعه فتح الله، چهار قلعه، قلعه موسی او نورو سیمو اوسېدونکو ته د تګ راتګ په برخه کې آسانتیاوې رامنځته شوې دي. دا سړک د شیر پور له دویم سړک څخه د شهرنو تر شهید څلورلارې پورې ۶۴۶ متره اوږدوالی او ۲۰ متره سور لري او ټاکل شوې ده دویمه طبقه قیر چارې یې هم ډېر ژر ترسره شي. همدا راز د دې سړک د پلو لارو د جوړولو چارې هم روانې دي چې، تر بشپړېدو وروسته به ګټې اخیستنې ته وسپارل شي. دا پروژه د کابل ښار د سړکونو شبکو د اصلاحي پلان له مخې د پلي کېدو په حال کې ده چې، د ترافیکي ګڼه ګوڼې د کمښت په برخه کې مهم رول لري