د کابل ښاروالۍ له لوري د ملګرو ملتونو د پروژوي خدمتونو د دفتر په مرسته د پنځلسمې ناحیې د ۷م ګذر اړوند په خراسان ښارګوتي سیمه کې د یوه فرعي سړک د جوړولو چارې روانې دي او تر راتلونکې یوې میاشتې پورې به په اساسي توګه بشپړې شي. د کابل ښاروالۍ د برنامو او پروژو د تنظیم ریاست د معلوماتو له مخې؛ دا سړک ۵۵۰ متره اوږدوالی او له ۴ څخه تر ۶ مترو پورې سور لري چې، د لښتیو په ګډون د کانکرېټ په بڼه د جوړېدو په حال کې دی. په دې پروژه کې یو شمېر هېوادوالو ته د کار زمینه هم برابره شوې ده. د دې سړک په جوړېدو سره د سیمې د اوسېدونکو چاپېریالي او ترانسپورتي ستونزې هوارې شي