د کابل ښاروالۍ له لخوا او د ملګرو ملتونو د پروژوي خدمتونو د دفتر په مرسته، د درېیمې ناحیې په ۴م ګذر کې د څلورو کوڅو د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ په دې پروژه کې په ټولیزه توګه د (۶۹۹) مترو په اوږدوالي د (۳) کوڅو کانکرېټ کول او د (۱۳۱) مترو په اوږدوالي او (۴) مترو په سور د زینو په بڼه د یوې کوڅې جوړول شامل دي چې، تر دې دمه یې د جوړولو چارې (۹۵) سلنه مخته تللې دي او ټاکل شوې ده تر راتلونکو دوه اونیو پورې بشپړې او ورسره جوخت به د سیمې د اوسېدونکو ګڼې ټولنیزې او چاپېریالي ستونزې هوارې شي. د یادونې وړ ده چې، د دې پروژې له لارې یو شمېر هېوادوالو ته د کار زمینه هم برابره شوې ده