د څلورمې ناحیې اړوند د بره کي او کلوله پشتې سیمو ترمنځ د نوي نښلوونکي سړک د جوړولو چارې چې، کېندنې، خاورې لېږدول، هوارول، د استنادي دېوال او لښتیو جوړول او د خنډونو پاکول په بر کې نیسي روانې دي. دا سړک ۶۵۴ متره اوږدوالی او ۲۰ متره سور لري چې، د بره کي څلورلارې بدیل سړک ګڼل کېږي او په جوړېدو سره به یې ښاریانو ته د تګ راتګ په برخه کې ګڼې آسانتیاوې رامنځته شي. د سړک جوړونې په دې پروژه کې د لښتیو، ګلدانونو او پلیو لارو جوړول، په سړک د کرښو اچول، د څراغونو نصبول او د یوه معیاري سړک نور جزئیات شامل دي. کابل ښاروالۍ هڅه کوي چې، د سړکونو په جوړولو او پراختیا سره کابل ښار په یوه پرمختللي او منظم ښار بدل کړي او په دې برخه کې ګړندۍ هڅې روانې دي