د کابل ښاروالۍ له لوري د ملګرو ملتونو د پروژوي خدمتونو د دفتر په مرسته د ۱۳مې ناحیې د ۶۵م ګذر اړوند د کاکور په سیمه کې په ټولیزه توګه د (۱۰۳۷) مترو په اوږدوالي او (۴) مترو په سور سره د (۴) کوڅو کانکریټ چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې، د دې پروژې چارې د لښتیو او پلچکونو په ګډون تر دې مهاله ۶۰ سلنه مخته تللې دي او ټاکل شوې ده تر راتلونکې یوې میاشتې پورې بشپړې شي. د دې کوڅو په جوړېدو سره به سیمې د اوسیدونکو پر وړاندې شته موسمي ستونزې هوارې او یو شمېر ټولنیزو او ترانسپورتي آسانتیاوو ته به لاس رسی ومومي