د پنځلسمې ناحیې اړوند د خواجه بغرا له ګولایۍ څخه تر قصبې پورې د نوي نښلونکي سړک بنسټیزې چارې بشپړې او قیر چارې یې پیل شوې. د کابل ښاروالۍ د برنامو او پروژو د تنظیم ریاست د معلوماتو له مخې؛ د دې سړک قیر چارې په لابراتور کې د موادو تر ازمویښت وروسته ترسره کېږي ترڅو کیفیت یې تضمین شي. د سړک جوړولو په دغه پروژه کې چې، (۶۷۵ ) متره اوږدوالی او (۳۰) متره سور لري، د (۲۰ ) مترو په اوږدوالي او (۱.۳) متره سور سره د یوه پلچک، د لښتیو، پلیولارو او ګلدانونو جوړول، په سړک د کرښو اچول، د څراغونو نصبول، د بایسکل چلولو لیکې او د یوه معیاري سړک نور جزئیات شامل دي،د یادونې وړ ده چې د دې سړک(۴۳۵ ) مترو په اوږدوالي او (۳۰ ) مترو په سور د قیر چارې پیل شوې او د پاتې (۲۴۰ ) مترو په اوږدوالي د کانګریټ چارې بشپړې شوې دي. د دې سړک په جوړېدو سره به په ورڅېرمه سیمو کې ترافیکي ګڼه ګوڼه کمښت ومومي او ښاریانو ته به یو شمېر ټولنیزې او ښاري آسانتیاوې رامنځته شي