د دولسمې ناحیې اړوند له محبس څلورلارې څخه د سلیم کاروان تر سړک پورې د (۱۲۷۰) مترو په اوږدوالي او (۳۰ ) مترو په سور سره د نوي نښلوونکي سړک د یوې برخې قیر چارې روانې دي. دغه سړک چې، په ټوله کې (۲۰۰۹) متره اوږدوالی، (۲۴، ۳۰، او ۴۰) متره سور لري، د لښتیو ، پلیولارو، د بایسکل چلولو لیکو، ګلدانونو، څراغونو او ترافیکي نښو په ګډون په اساسي توګه د جوړېدو په حال کې دی. ورته مهال د یاد سړک د پاتې بنسټیزو برخو پر جوړولو هم کار روان دی ترڅو هغه هم قیر کولو ته چمتو شي. د دې پروژې د کیفیت د تضمین په موخه، د کابل ښاروالۍ د برنامو او پروژو د تنظیم ریاست انجینران په دوامداره توګه له ټولو کاري پړاوونو څخه فني او تخنیکي څارنې ترسره کوي