د کابل ښاروالۍ له لوري د ملګرو ملتونو د پروژوي خدمتونو د دفتر په مرسته، د لسمې ناحیې د ۲۴م ګذر اړوند د بي بي روقیه جومات په سیمه کې د یوه فرعي سړک کانکرېټ چارې پیل شوې. د کابل ښاروالۍ د برنامو او پروژو د تنظیم ریاست د معلوماتو له مخې؛ دغه سړک چې، (۶۹۲) متره اوږدوالی او (۵) متره سور لري، د لښتیو په ګډون به تر راتلونکې یوې میاشتې پورې په اساسي توګه جوړ او ورسره جوخت به د سیمې د اوسېدونکو پر وړاندې شته ترانسپورتي او چاپېریالي ستونزې هوارې شي. پاتې دې نه وي چې، په دې پروژه کې یو شمېر هېوادوالو ته د کار زمینه هم برابره شوې ده