د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دوه ویشتمې ناحیې د ۲۴م ګذر اړوند د شیوه کي د سهاک په سیمه کې د یوه فرعي سړک کانکرېټ چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دغه سړک چې، (۱۱۵۵) متره اوږدوالی او له (۴) څخه تر (۶) مترو پورې سور لري، د لښتیو په ګډون یې تر اوسه ۵۰ سلنه چارې مخته تللې دي او ټاکل شوې ده تر راتلونکو دوه میاشتو پورې بشپړې او ګټې اخیستنې ته وسپارل شي. د دې سړک په جوړېدو سره به د سیمې د اوسېدونکو ترانسپورتي او چاپېریالي ستونزې هوارې شي پاتې دې نه وي چې، په دې پروژه کې یو شمېر هېوادوالو ته د کار زمینه هم برابره شوې ده