د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د شپاړلسمې ناحیې د لسم ګذر اړوند د قلعه زمان خان تپې په سیمه کې د یوه فرعي سړک او دوو کوڅو کانکرېټ چارې روانې دي. دغه پروژه چې، په ټولیزه توګه (۷۵۰ ) متره اوږدوالی او له (۴ څخه تر ۵) مترو پورې سور لري، د جوړولو چارې یې د لښتیو په ګډون تر اوسه (۴۵) سلنه مخته تللې دي او تر راتلونکې نږدې یوې میاشتې پورې به په اساسي توګه بشپړې او ورسره جوخت به د سیمې د اوسېدونکو ستونزې هوارې شي. د یادولو وړ ده چې، په دې پروژه کې یو شمېر هېوادوالو ته د کار زمینه هم برابره شوې ده