د کابل ښاروالۍ د کار، ساتنې او مراقبت ریاست له خوا د بت خاک (ملالۍ) تر څلورلارې پورې د بګراميو سړک د کیڼ لوري لیکې د بیارغونې چارې روانې دي. څه موده وړاندې د دې سړک د ښي لوري لیکې د بیارغونې چارې تر فني او تخنیکي څېړنو وروسته د پرمختللې ماشینرۍ په وسیله په اساسي او معیاري توګه بشپړې شوې. کابل ښاروالۍ هغه سړکونه چې، د وخت په تېرېدو یې ځني برخې زیانمنې او ویجاړې شوې دي؛ یو پر بل پسې بیا رغوي، ځکه دا کار د ښاري تأسیساتو د ساتنې او دوام په برخه کې ډېر مهم دی. د بیارغونې په دې پروژه کې په دوه لیکو کې د (۶) کیلو متره سړک بیارغول، د جدولونو نصبول او په سړک د کرښو اچول شامل دي