د مکروریانو له څلورلارې څخه تر پکتیا کوټ پورې د کابل- جلال آباد سړک د لومړۍ برخې د جوړولو چارې په چټکۍ سره روانې دي او ټاکل شوې ځني برخې یې ډېر ژر قیر کولو ته چمتو شي. دغه سړک چې، (۹۳۹۷) متره اوږدوالی او (۶۰) متره سور لري، د لښتیو، پلیو لارو، ګلدانونو، د بایسکل چلولو لیکو، په سړک د کرښو اچولو او د یوه معیاري سړک د نورو جزئیاتو په ګډون د جوړېدو په حال کې دی. د کابل ښاروالۍ د برنامو او پروژو د تنظیم ریاست د معلوماتو له مخې؛ څه موده وړاندې د دې سړک شاوخوا (۲۸۰۰) متره برخه د بنسټیزو چارو تر بشپړېدو وروسته قیر شوې او اوس مهال یې د پاتې برخو په جوړولو کار روان دی څو هرڅه ژر قیر کولو ته چمتو شي