د دولسمې ناحیې اړوند په احمد شاه بابا مېنه کې له نوروز آباد( ایمل مومند) څلورلارې څخه تر دولسمې امنیتي حوزې پورې د سړک جوړولو پروژې چارې چې، کېندنې، خاورې لېږدول، هوارول او د لښتیو جوړول په بر کې نیسي په ښه توګه روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دا سړک ۲۰۹۶ متره اوږدوالی او ۳۰ او ۴۰ متره سور لري چې، د لښتیو، پلیو لارو، ګلدانونو، د بایسکل چلولو لیکو، څراغونو او کرښو اچولو په ګډون به په اساسي توګه جوړ شي. دا سړک د دولسمې ناحیې په اړوند سیمو کې د ترافیکي ګڼه ګوڼې د کمښت او د ترانسپورتي زیربناوو د پراختیا په برخه کې مهم لري او ټاکل شوې ده چارې یې تر راتلونکو لسو میاشتو پورې بشپړې شي