کابل ښاریانو ته د ترانسپورتي او ټولنیزو آسانتیاوو د رامنځته کولو په موخه، د کابل ښاروالۍ لخوا او د ملګرو ملتونو د پروژوي خدمتونو د دفتر په مرسته، د ۱۲مې ناحیې اړوند د ۲۱م او ۳۶م ګذر ترمنځ د فرعي سړک د جوړولو چارې پیل شوې. دغه سړک چې، ( ۹۳۶) متره اوږدوالی او (۱۲ ) متره سور لري، د لښتیو او ګلدانونو په ګډون به د (۳) میاشتو په موده کې په معیاري او اساسي ډول جوړ شي. تر دې وړاندې د یادې سیمې اوسیدونکي د دې سړک د خرابوالي له امله له ګڼو ترانسپورتي ستونزو سره مخ وو، چې د ۱۲مې ناحیې د وړاندیز په پام کې نیولو سره، دغه پروژه د کابل ښاروالۍ د مشرتابه لخوا غوره او پلې کیږي. د دې پروژې په پلې کېدو سره به، د خلکو د ترانسپورتي او ښاري ستونزو د حل سربیره، یو شمیر هېوادوالو ته د کار زمینه هم برابره شي