د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دوه ویشتمې ناحیې د ۲۱م ګذر اړوند په شیخ عادل بابا سیمه کې د څلورو فرعي سړکونو د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دغه سړکونه چې، په ټولیزه توګه ۹۶۳ متره اوږدوالی او ۵ متره سور لري، د جوړولو چارې به یې د لښتیو په ګډون تر راتلونکو (۳) میاشتو پورې په معیاري او اساسي توګه بشپړې او ورسره جوخت به د سیمې د اوسېدونکو ترانسپورتي او چاپېریالي ستونزې هوارې شي. پاتې دې نه وي چې، په دې پروژه کې یو شمېر هېوادوالو ته د کار زمینه هم برابره شوې ده