د کابل ښاروالۍ د کار، ساتنې او مراقبت ریاست له خوا د سرای شمالي له سیمې څخه د خیر خانې کوتل تر پورتنۍ برخې پورې د سړک د درېیمې برخې قیر چارې پیل شوې. دغه سړک چې، (۳۶۴۷) متره اوږدوالی او (۲۷) متره سور لري، اوس مهال یې دوه کیلو متره برخه د (۱۲) مترو په سور سره قیر چارو ته چمتو شوې ده. ورته مهال د یاد سړک د پاتې برخو د جوړولو چارې روانې دي څو هغه هم قیر کولو ته چمتو شي. یاده پروژه کابل ښاریانو او د شمال لویې لارې په اوږدو کې میشتو اوسېدونکو ته ځانګړی اهمیت لري. کابل ښاروالۍ هڅه کوي چې، ښاریانو ته د تګ راتګ په برخه کې د آسانتیاوې رامنځته کولو په موخه، د دې پروژې چارې په چټکۍ سره ترسره شي