د دیارلسمې ناحیې اړوند له امید سبز ښارګوټي څخه تر عرفاني سړک پورې د نوي سړک د بنسټيزو برخو دجوړولو چارې روانې دي او هڅه کېږي چې، هرڅه ژر قیر کولو ته چمتو شي. دغه سړک چې، (۳۸۳۴) متره اوږدوالی او (۴۵) متره سور لري، د لښتیو، ګلدانونو، څراغونو، په سړک د کرښو اچولو او د یوه معیاري سړک د نورو جزئیاتو په ګډون به په اساسي توګه جوړ شي. د دې پروژې په بشپړېدو سره به د کابل د لوېدیځ زون اقتصادي ودې ته زمینه برابره او ښاریانو ته به د تګ راتګ په برخه کې ګڼې آسانتیاوې رامنځته شي