د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د څوارلسمې ناحیې د ۲۲م ګذر اړوند د پجک پله په سیمه کې د یوه فرعي سړک د جوړولو چارې چې، څه موده وړاندې پیل شوې وې، تر اوسه ۵۰ سلنه مخته تللې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دغه سړک چې، (۱۲۵۰) متره اوږدوالی او (۵) متره سور لري، د (۳) پلچکونو، استنادي دیوال او لښتیو په ګډون به په اساسي توګه جوړ شي. ټاکل شوې ده دغه پروژه د ژمي تر رارسېدو وړاندې بشپړه او ګټې اخیستنې ته وسپارل شي. پاتې دې نه وي چې، په دې پروژه کې یو شمېر هېوادوالو ته د کار زمینه هم برابره شوې ده