د دولسمې ناحیې اړند د ۹۰ فامیلیو سیمې د لومړي، دویم، درېیم، څلورم او پنځم نمبر فرعي سړکونو د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې، دغه پروژه چې، په ټولیزه توګه ( ۱۱۷۵) متره اوږدوالی او (۱۰) متره سور لري، د پلیولارو، ګلدانونو او لښتیو جوړول هم پکې شامل دي. هڅه کیږي چې یاده پروژه د ژمي تر راسېدو وړاندې بشپړه او ګټې اخیستنې ته وسپارل شي. د یادونې وړ ده چې، د دغو سړکونو په جوړیدو سره به د سیمې اوسېدونکو ته ګڼې ټولنیزې او ترانسپورتي آسانتیاوې برابرې شي